Uning so‘zlariga ko‘ra, Chechenistonda «noqonuniy mayning holatlari» aniqlangan. Delimxanovning qo‘chimcha qilishicha, «ularning aksariyati turli tuzilmalarda ishlovchi odamlarga bog‘liq». Deputat gap qaysi tuzilmalar haqidagi ketayotganiga aniqlik kiritmagan.

«Rahbarimiz Ramzan Qodirov butun tuman, qishloq yoki shaharda elektr energiyasi bilan bog‘liq muammolarni keltirib chiqaradigan bunday holatlar aniqlansa, aybdorlar qattiq jazoga tortilishidan barcha aholi xabardor bo‘lishini so‘ramoqda. Ularning harakatlari butun jamiyatga zarar yetkazayotgani bois, biz ularni terrorchilarga tenglashtiramiz», — deydi deputat.

Uning aytishicha, noqonuniy mayning boshqa insonlarning elektr energiyasi o‘g‘irlanishiga olib keladi. Chechenistonda allaqachon bu kabi holatlarni aniqlash ishlari boshlangan, ammo ular endi kuchaytiriladi.

Dekabr oxirlarida Rossiya hukumati kriptovaluta mayningi taqiqlanadigan hududlar ro‘yxatini tasdiqlagan edi. Taqiq 2025 yil 1 yanvardan 2031 yil 15 martga qadar amalda bo‘ladi. Ro‘yxatdan Dog‘iston, Ingushetiya, Kabardin-Bolqoriya, Qorachay-Cherkesiya, Shimoliy Osetiya, Checheniston, shuningdek, Ukrainaning anneksiya qilingan hududlari — DXR va LXR, Zaporojye va Xerson viloyatlari ham o‘rin olgan. Bundan tashqari, Irkutsk oblasti, Buryatiya va Baykalorti o‘lkasining ayrim hududlarida ham taqiqlanadi.