Ushbu mukofot kompaniyaning O‘zbekistondagi eng yirik soliq to‘lovchilaridan biri sifatidagi muhim o‘rnini yana bir bor tasdiqlaydi.

International Beverages Tashkent o‘z vaqtida soliqlarni to‘lash, yangi ish o‘rinlari yaratish va hamkorlik tarmoqlarini rivojlantirish orqali mamlakat iqtisodiyotiga o‘z hissasini qo‘shib, yuksak ijtimoiy mas’uliyatni namoyon etmoqda.

Kompaniyaning shaffof soliq to‘lash siyosati davlat iqtisodiyotining barqarorligini ta’minlashga va muhim davlat dasturlarini amalga oshirishga, jumladan infratuzilma, sog‘liqni saqlash va ta’lim sohalarini rivojlantirishga ham xizmat qilmoqda.

Bu mukofot International Beverages Tashkent kompaniyasini davlat va jamiyat ishonchini mustahkamlagan, mamlakatning barqaror taraqqiyoti va farovonligiga salmoqli ulush qo‘shayotgan namunali biznes sifatida nishonlamoqda.