24 dekabr kuni Toshkent shahar Yunusobod tumani Amir Temur ko‘chasida soat 20:10 larda YTH sodir bo‘ldi. 

Toshkent shahar IIBB YHXB xabar berishicha, haydovchi, 1974 yilda tug‘ilgan B.A. Lixiang avtomashinasini boshqarib ketayotib, rul boshqaruvini yo‘qotib, yo‘l chetidagi temir ustunga to‘qnashgan.

Hodisa oqibatida haydovchi birinchi tez tibbiy yordam ko‘rsatish maqsadida shifoxonaga olib ketilgan.

Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.