O‘zbekiston O‘simliklar karantini va himoyasi agentligi direktori Ibrohim Ergashev boshchiligida mamlakat delegatsiyasi Eronga ishchi safari davomida Karaj shahridagi Urug‘lar va o‘simliklarni sertifikatlash va ro‘yxatga olish instituti faoliyati bilan tanishdi.

O‘zbekiston vakillari dastlab Urug‘lar va o‘simliklarni sertifikatlash va ro‘yxatga olish instituti bosh direktori Muhammad Assarex bilan uchrashuv o‘tkazdi. 

Institut bosh direktori Muhammad Assarex Eronda 4 million gektar maydon qishloq xo‘jaligi mahsulotlari ekish uchun ajratilganini, shundan 160 ming gektarida kartoshka yetishtirilishini ma’lum qildi.

Tomonlar kartoshka yetishtirish, yangi navlarni yaratish va ilmiy tadqiqotlar olib olish yo‘nalishida hamkorlikni yo‘lga qo‘yish yuzasidan fikr almashdi.

Uchrashuv yakunida O‘zbekiston va Eron o‘rtasida qishloq xo‘jaligi sohasida ikki tomonlama sheriklikni yanada rivojlantirish to‘g‘risida kelishib olindi.