Ijtimoiy himoya milliy agentligi O‘zbekiston Ichki ishlar vazirligi, Sog‘liqni saqlash vazirligi xodimlari bilan hamkorlikda Rossiyaning 6 ta hududida qolgan 10 nafar bolani vatanga qaytarish bo‘yicha ishlarni boshlagan edi.

O‘rganishlar jarayonida Ijtimoiy himoya milliy agentligi, O‘zbekiston Ichki ishlar vazirligi va Tashqi ishlar vazirligi konsullik muassasalari ko‘magida yana 5 nafar bola ota-ona qaramog‘idan mahrum bo‘lgani aniqlandi.

15 dekabr kuni jami 15 nafar bola O‘zbekistonga qaytarildi.

Ta’kidlanishicha, o‘z oilasiga qaytarilishiga qadar bolalarning 10 nafari Voyaga yetmaganlarga ijtimoiy huquqiy yordam ko‘rsatish markaziga, qolgan 5 nafari esa vaqtinchalik Toshkent shahridagi Bolalar uyiga joylashtirilgan.