Qoʻshimcha funksionallar
-
Tungi ko‘rinish
Sport odamlar umrini besh yilga uzaytirishi mumkin - tadqiqot
Olimlar qirq yoshdan oshganlar orasida o‘tkazilgan yangi tadqiqot orqali sport nafaqat inson salomatligida, balki uzoqroq yashashida ham muhim rol o‘ynashini aniqladi.

Sport bilan muntazam shug‘ullanadigan odamlar yurak xastaliklari, diabet, depressiya, aqliy zaiflik va boshqa ko‘plab muammolarga kamroq duch keladi. British Journal of Spors Medicine jurnalida chop etilgan yangi tahlil esa jismoniy faollik uzoq umr ko‘rishda ham muhim rol o‘ynashini ko‘rsatdi. Bundan tashqari, aholining eng faol va eng kam harakat guruhlari o‘rtasidagi farqlar qanchalik katta ekani alohida qayd etildi.
Agar odamlar sport bilan faol shug‘ullansa, o‘rtacha umr ko‘rish davomiyligini besh yilga oshirgan bo‘lardi, deydi yangi tadqiqot mualliflari.
Tadqiqot doirasida olimlar 40 va undan katta yoshdagi amerikaliklarni 2003 yildan 2006 yilgacha bo‘lgan davrda jismoniy faolligi darajasiga qarab to‘rt guruhga ajratdi. So‘ngra bir necha yil davomida ushbu guruhlarning salomatligini kuzatdi.
Bu davrda o‘ta faol insonlarning biror sababdan vafot etishi ehtimoli eng kam harakat odamlarga nisbatan 73 foiz past bo‘ldi.
“O‘lim xavfini ikki baravardan ham ko‘proq kamaytiradigan chora bor bo‘lsa, bu, shubhasiz, jismoniy faollikdir”, — dedi tadqiqot bosh muallifi va Avstraliyaning Griffit universitetida jamoat salomatligi professori bo‘lgan Lennert Veyerman.
Tajribada eng faol odamlar kuniga ikki soat-u qirq daqiqalik piyoda yurish darajasiga teng sport turlari bilan shug‘ullangan. Ularga yetib olish uchun eng kam harakatli odamlar o‘z kundalik tartibiga deyarli ikki soatlik piyoda yurish mashg‘ulotini qo‘shishi kerak bo‘ladi. Buning uddasidan chiqishsa, ular o‘rtacha 10,9 yil ko‘proq umr ko‘rishi mumkin. Bu o‘ta faol kishilarning har bir soatlik piyoda sayri, ularning umriga 6,3 soat qo‘shishini anglatadi.
Shu bilan birga, jismoniy mashqlardan allaqachon “maksimal doza olgan” faollar uchun bir soatlik sayr katta ahamiyatga ega bo‘lmaydi, deb ta’kidlaydi Veyerman.
Tadqiqotchilarning ta’kidlashicha, olingan natijalar jismoniy mashqlarning sog‘liq uchun ahamiyatini yaqqol ko‘rsatmoqda. Aholi punktlarini loyihalashtirishda bu holat albatta inobatga olinishi lozim.
“Agar shaharlar sayr qilish va velosipedda yurish uchun qulayroq qilinsa, biz nafaqat umr ko‘rish davomiyligini oshirishimiz, balki sog‘liqni saqlash tizimlari va atrof-muhitga bo‘lgan yuklamani ham kamaytirishimiz mumkin”, — deb hisoblaydi Veyerman.
Tavsiya etamiz
Navbatdagi cho‘pchak: O‘zbekistonda kriptovaluta “qazib oluvchi” uskuna ijarasidan daromad olish taklif etilmoqda
Jamiyat | 20:37 / 14.07.2025
Toshkentda piyodalarga yo‘l bermagan haydovchilarni qayd etuvchi kameralar ishga tushirildi
Jamiyat | 17:45 / 14.07.2025
Toshkentda YPX xodimi xizmat mashinasida mototsiklchi bilan poyga o‘ynadi
O‘zbekiston | 17:53 / 12.07.2025
Jar yoqasidagi soha: Muammolar ko‘rsatildi, vazirlar esa jim
O‘zbekiston | 16:43 / 12.07.2025
So‘nggi yangiliklar
-
«Harbiy hamkorlik rejasiga muvofiq» - Termizda O‘zbekiston va Rossiya harbiylari mashg‘ulotlarni boshladi
O‘zbekiston | 16:31
-
Deputatlar dala chetlariga ekin ekishga oid bahsli qonunni o‘zgarishlar bilan qabul qildi
O‘zbekiston | 16:03
-
Qashqadaryodagi gaz zapravkasida katta yong‘in chiqdi
O‘zbekiston | 15:59
-
Salqinlikni saqlab qoling: yoz kunlarida xonadonda energiyani tejash bo‘yicha 10 maslahat
Jamiyat | 15:18
Mavzuga oid

11:27
Putinning maslahatchisi: AQSh bilan muloqot davom etadi

08:38
Kaya Kallas AQShdan Ukrainaga yordam yukini bo‘lishishni so‘radi

07:48
Xitoy Trampning Rossiya hamkorlariga bojlar joriy etish rejasiga qarshi chiqdi

21:23 / 15.07.2025