Qoʻshimcha funksionallar
-
Tungi ko‘rinish
Putin Shols bilan yana telefonda gaplashishi mumkinligini bildirdi
Kreml rahbarining so‘zlariga ko‘ra, u va Germaniya kansleri o‘rtasidagi telefon suhbati yaqinlashuvga olib kelmagan, ammo suhbat baribir takrorlanishi mumkin. Rossiya Federatsiyasi G‘arb yetakchilari bilan faqat o‘z shartlari asosida muzokara olib borishga tayyor, dedi Putin Ostonada.

Foto: Ramil Sitdikov/AP Photo/picture alliance
Rossiya prezidenti Vladimir Putinning fikricha, 15 noyabr kuni u va Germaniya kansleri Olaf Shols o‘rtasidagi telefon muloqoti yaqinlashuvga olib kelmadi, lekin suhbat baribir takrorlanishi mumkin. Bu haqda Putin 28 oktyabr, payshanba kuni Ostonada bo‘lib o‘tgan KXShT sammitining yakuniy matbuot anjumanida ma’lum qildi.
«Ammo bu yerda u uchun ham, men uchun ham g‘ayrioddiy narsa yo‘q edi — u o‘z pozitsiyasini tushuntirdi va biz bu masalada (Ukrainadagi urush haqida) o‘z fikrimizda qoldik, - dedi prezident. - Ammo umuman olganda, menimcha, kelajakda muloqot bo‘lishi mumkin».
Putinning ta’kidlashicha, Rossiya G‘arb yetakchilari bilan muzokaralar olib borish va Ukraina bilan kelishuvga erishishga tayyor. Biroq, muzokaralar faqat u iyun oyida e’lon qilgan shartlar asosida o‘tishi mumkin. Kreml rahbari hamon Ukraina qo‘shinlari Ukrainaning to‘rtta oblasti butun hududidan olib chiqilishini va Kiyevning NATOga qo‘shilishdan bosh tortishini istamoqda.
Shols: Putinning Ukrainadagi urush haqidagi qarashlari o‘zgarmadi
Germaniya kansleri Olaf Shols Rossiya prezidenti Vladimir Putin bilan telefon orqali muloqoti chog‘ida Ukrainadagi urush bo‘yicha qarashlarida hech qanday o‘zgarish ko‘rmadi. 17 noyabr kuni Berlin aeroportida matbuotga bergan intervyusida Shols: «Suhbat juda batafsil bo‘lib o‘tdi, ammo bu Rossiya prezidentining urush haqidagi qarashlarida juda oz narsa o‘zgarganini anglab yetishga imkon yaratdi va bu unchalik yaxshi xabar emas», dedi u Braziliyadagi G20 sammitiga uchishidan oldin.
Shu bilan birga, Germaniya hukumati rahbari G‘arbning Ukrainani qo‘llab-quvvatlashdan bosh tortishi haqidagi har qanday illyuziyalarni yo‘q qilish uchun Putin bilan gaplashish zarurligini ta’kidladi. «Unga Germaniya, Yevropa va dunyoning boshqa ko‘plab mamlakatlari tomonidan qo‘llab-quvvatlov zaiflashishiga ishonmaslik kerakligini aytish juda muhim», dedi Shols.
Tavsiya etamiz
Urushga tayyor Jo‘laniy, taksidagi Pizishkiyon – hafta dayjesti
Jahon | 12:00
Lyov yoki Kapadze. Milliy jamoa boshqaruvida o‘zgarish qilish kerakmi?
Sport | 11:30
Odamlar eng tez va sekin qariydigan mamlakatlar aniqlandi
Jahon | 21:57 / 17.07.2025
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
So‘nggi yangiliklar
-
Ilhom Aliyev Ukrainani hech qanaqasiga «okkupatsiyaga rozi bo‘lmaslik»ka chaqirdi
Jahon | 20:19
-
Indoneziyada bortida 280 kishi bo‘lgan parom yonib ketdi (video)
Jahon | 19:57
-
Germaniya kansleri: «Biz tinchligimizga jiddiy tahdidni ko‘rmoqdamiz - va bu Rossiya»
Jahon | 19:17
-
Astronomer kompaniyasi rahbari Coldplay konsertidagi hodisadan keyin ishdan ketdi
Jahon | 17:25
Mavzuga oid

12:55 / 18.07.2025
Putin Rossiyada xorijiy dasturiy ta’minotni qisqartirish yo‘lini topishni buyurdi

11:05 / 16.07.2025
Putin sanksiyalarga qaramay urushni davom ettirmoqchi

15:27 / 15.07.2025
Kreml Trampning yangi bayonotlarini tahlil qilish uchun vaqt kerakligini qayd etdi

12:35 / 15.07.2025