Janubiy Amerikadagi Surinam davlati prezidenti Chan Santoxi neft va gaz daromadlaridan mamlakatning barcha fuqarolariga to‘lovlarni nazarda tutuvchi «hamma uchun royalti» dasturini e’lon qildi. Har bir surinamlik o‘z jamg‘arma hisobiga 750 dollar miqdorida bir martalik to‘lov oladi.

Prezidentning ta’kidlashicha, bu orqali mamlakat aholisi «neft va gaz qazib olishdan foyda ko‘rish» imkoniyatiga ega bo‘ladi.

Noyabr oyi boshida qo‘shni Gayana neft va gaz daromadlaridan to‘lovlarni e’lon qildi – u yerda har bir fuqaroga taxminan 480 dollar to‘lanadi.

2015 yilda Surinam va Gayana hududiy suvlarida yirik neft va gaz konlari topildi. Joriy yilning oktyabr oyida Fransiyaning Total kompaniyasi Surinam qirg‘oqlarida neft qazib olish loyihasini ishga tushirganini e’lon qildi, unga investitsiyalar 10,5 milliard dollarni tashkil etdi.

Surinamning yillik yalpi ichki mahsuloti 3,4 milliard dollarni tashkil etadi, ba’zi prognozlarga ko‘ra, mamlakat neft va gaz eksportidan 10 milliard dollarga yaqin daromad olishi mumkin.