Hindiston o‘zining birinchi uzoq masofali gipertovushli raketasini muvaffaqiyatli sinovdan o‘tkazdi. Raketa Odisha sohilidagi oroldan uchirildi, bu haqda Hindiston mudofaa vaziri Rajnat Singx xabar berdi.
«Bu tarixiy lahza va bu muhim yutuq mamlakatimizni shunday muhim va ilg‘or harbiy texnologiyalarga ega bo‘lgan tanlangan davlatlar qatoriga kiritdi», deb yozdi Singx ijtimoiy tarmoqda.
The @DRDO_India has successfully conducted a flight trial of its long range hypersonic missile on 16th Nov 2024 from Dr APJ Abdul Kalam Island, off-the-coast of Odisha.
— रक्षा मंत्री कार्यालय/ RMO India (@DefenceMinIndia) November 17, 2024
Raksha Mantri Shri @rajnathsingh has congratulated DRDO, Armed Forces and the Industry for successful flight… pic.twitter.com/wq7yM2YS9f
Raketa Hindistonning Mudofaa tadqiqotlari va ishlanmalari tashkiloti (DRDO) tomonidan ishlab chiqilgan va har xil turdagi jangovar kallaklarni 1500 km masofaga yetkazishga qodir.
Gipertovushli raketa tovush tezligidan kamida besh baravar tez ucha oladigan raketadir. Gipertovushli raketa atmosferaning zich qatlamlarida shunday tezlikda manyovr qilish va bu tezlikni butun parvoz davomida ushlab turish qobiliyati bilan ham ajralib turadi.
AQSh va Xitoy ham gipertovushli qurollarni ishlab chiqarish bilan shug‘ullanadi.
