Srechko Katanets shogirdlari uchun birinchi bo‘lim juda omadsiz o‘tdi. Eldor Shomurodov 21-daqiqada jarohat olib, maydonni tark etgach, zaxiradan o‘yingacha betob bo‘lgan Jaloliddin Masharipov tushdi. Ammo bo‘lim yakuniga qadar vaziyat yanada yomonlashdi. 26 va 41-daqiqada Afifning uzatmalaridan keyin Ali Almoez dublga erishib, jamoasini tanaffusga ikkita to‘p farqidagi ustunlik bilan olib chiqdi – 2:0.
Katanetsning ikkinchi bo‘limdagi o‘zgarishlari nihoyat 75-daqiqaga kelib o‘z samarasini berdi. Hujumkorlikni oshirgan vakillarimiz Abbosbek Fayzullayevning bosh bilan yo‘llagan zarba bilan hisobni qisqartirgan bo‘lsa, oradan 5 daqiqa o‘tib, yana 21 yoshli yarimhimoyachining o‘zi katta sahnaga chiqib, Masharipovning uzatmasini golga aylantirdi – 2:2.
So‘nggi daqiqalarda ushbu durangni saqlab qolish uchun yarimhimoyachi Azizbek Turg‘unboyev o‘rniga himoyachi Rustam Ashurmatovning maydonga tushirilishi o‘zini oqlamadi. 90+12-daqiqada qatarliklar Mendesning goli evaziga g‘alabani ilib ketishdi – 3:2.
Shu tariqa, O‘zbekiston milliy jamoasi Dohadagi alamli mag‘lubiyatdan keyin 10 ochko bilan guruhda Erondan (13 ochko) keyin 2-o‘rinda bormoqda. Qatar esa 7 ochko bilan 4-o‘rinda qoldi. O‘zbekiston navbatdagi turni 19 noyabr kuni Laosda KXDRga qarshi o‘tkazadi.
Guruhdagi ikkinchi bahsda BAA Qirg‘iziston ustidan yirik 3:0 hisobida zafar quchdi va 7 ochko bilan 3-o‘rinda bormoqda.
JCh-2026 saralashi. 5-tur
Qatar – O‘zbekiston – 3:2
Hakam: Kim Jong Xyok (J.Koreya)
VAR: Kim Xigon (J.Koreya)
Gollar: Ali Almoez 26, 41, Lukas Mendes 90+12 – Abbos Fayzullayev, 75, 80.
Qatar: 22.Mash’al Barsham, 4.Muhammad Vaad, 5.Tari Salmon, 7.Ahmad al-Ganohi, 10.Akrom Afif, 12.Lukas Mendes, 13.Ibrohim Muhammad, 15.Bassam Al Ravi, 16.Bualem Xuxi, 19.Ali Almoez, 20.Ahmad Abdulla.
O‘zbekiston: 1.O‘tkir Yusupov, 2.Abduqodir Husanov, 3.Hojiakbar Alijonov, 7.Otabek Shukurov (8.Jamshid Iskanderov, 70), 9.Odil Hamrobekov, 13.Sherzod Nasrullayev (4.Farrux Sayfiyev, 70), 14.Eldor Shomurodov (10.Jaloliddin Masharipov, 21), 18.Abdulla Abdullayev (17.Bobur Abduxoliqov, 46), 19.Azizbek Turg‘unboyev (5. Rustam Ashurmatov, 90), 22.Abbosbek Fazullayev, 23.Husniddin Aliqulov.
BAA – Qirg‘iziston – 3:0.
Guruhdagi vaziyat:
