Checheniston rahbari Ramzan Qodirovning ma’lum qilishicha, Ukraina uchuvchisiz uchog‘ining Rossiya maxsus kuchlari universiteti (RUS) Gudermes hududidagi binosiga hujumi natijasida Ukraina Qurolli kuchlarining asirga olingan harbiy xizmatchilari orasida qurbonlar bo‘lgan. Bu haqda u 29 oktyabr, seshanba kuni kechki payt o‘zining Telegram-kanalida yozdi.

«Avval aytganimdek, hujum natijasida biz tomonda qurbonlar yo‘q, ammo ular ukrainalik asirlar orasida bor», — deya aniqlik kiritdi u «respublikadagi har bir strategik obektda», shu jumladan. RUSda 10 nafargacha ukrainalik asir ushlab turilganini bildirib. Qodirov o‘z so‘zlari va o‘lganlarning aniq sonini tasdiqlagani yo‘q.

Ukrainaning «Suspilne» telekanali manbalari Ukraina maxsus xizmatlaridan RUS binosiga urilgan dron Dog‘iston yoki Ingushetiyadan uchirilgan bo‘lishi mumkinligini tasdiqlovchi ma’lumot oldi.

Gudermesdagi maxsus kuchlar universitetiga dron hujumi uyushtirildi

RUSga «uchuvchisiz uchoq hujumi» amalga oshirildi, dedi Qodirov shu kuni avvalroq. Uning so‘zlariga ko‘ra, erta tongda zarba natijasida ta’lim muassasasi hududida «bo‘sh binoning tomi» yonib ketgan. «O‘lganlar va jarohatlanganlar yo‘q», — degandi u yong‘in allaqachon o‘chirilganini bildirib.

Rossiya Telegram-kanallari, jumladan, Baza ham Gudermesdagi maxsus kuchlar universitetining bosh binosiga o‘xshash yonayotgan bino suratlarini chop etdi. Rasmlardan birida tomdagi ikkita alanga tasvirlangan. Baza qayd etganidek, bu Checheniston hududiga birinchi dron hujumidir.