OpenAI o‘zining ChatGPT Search qidiruv tizimini ishga tushirdi

Qayd etilishicha, yaqin oylar ichida barcha foydalanuvchilar bosqichma-bosqich ushbu qidiruv tizimidan foydalanishlari mumkin bo‘ladi.

ChatGPT Search chatbot sahifasida, matn yoziladigan maydonda paydo bo‘lgan. U foydalanuvchi uchun kerakli ma’lumotni qidiradi va manbaga havola taklif qiladi.

So‘rov bo‘yicha tayyorlangan javob foydalanuvchiga qulaylik tug‘dirish maqsadida tartiblangan holatda taqdim etiladi. Kompaniya qidiruv tizimi uchun faqat ishonchli axborot manbalaridan foydalanishga va’da berdi.

«Endi ChatGPT internetda qidiruvlarni oldingidan ko‘ra sezilarli darajada yaxshiroq amalga oshiradi. Avvallari qidiruv tizimiga murojaat qilingan bo‘lsa, endi siz muhim savollarga kerakli veb-resurslarga havola berilgan holda tezkor javob olishingiz mumkin», — deyiladi xabarda.

Hozirda qidiruv tizimidan chatgpt.com rasmiy sayti hamda bir nechta mobil ilovalar orqali foydalanish mumkin. ChatGPT Plus hamda Team’ning barcha foydalanuvchilari uni bugunning o‘zida ishlatib ko‘rishlari mumkin. Enterprise va Edu foydalanuvchilariga ega yaqin haftalarda shunday imkoniyat taqdim etiladi.