Rossiya prezidenti Vladimir Putin BAA prezidenti Muhammad bin Zoid Ol Nahayon bilan norasmiy uchrashuvda Yaqin Sharqdagi vaziyatni juda murakkab deb atadi. Bu haqda Kreml matbuot xizmati bayonotida aytiladi.
Rossiya rahbari BAA prezidentini vaziyatni muhokama qilishga taklif qildi.
«Biz, albatta, Yaqin Sharqdagi vaziyat haqida ham gaplashamiz. Vaziyat juda murakkab», — dedi Putin.
O‘z navbatida, BAA rahbari Yaqin Sharqdagi vaziyatni muhokama qilishga tayyorligini tasdiqladi. «Bugun biz siz bilan muhokama qiladigan mavzular va savollar juda ko‘p. Masalan, bu Yaqin Sharq. Umid qilamanki, bugun biz buni batafsil muhokama qilamiz», dedi u.
