Bosh prokuratura xabariga ko‘ra, Jizzax shahridagi “L.F.I” MChJ rahbari J.O. jamiyatga qarashli mehmonxonani o‘zboshimchalik bilan hisoblagichdan tashqari gaz tarmog‘iga ulagan. Oqibatda 812,9 mln so‘mlik tabiiy gazni yashirin ravishda talon-toroj qilgan.

Viloyat prokuraturasi tomonidan J.O.ga nisbatan Jinoyat kodeksining 169-moddasi (o‘g‘irlik) 4-qismi “a” bandi bilan jinoyat ishi qo‘zg‘atildi.

Dastlabki tergov davomida jamiyat tomonidan yetkazilgan zarar to‘liq undirilishi ta’minlandi.