Vitse-prezident Kamala Harrisning prezidentlik kampaniyasi avgust oyida butun Respublikachilar kampaniyasidan, shu jumladan sobiq prezident Donald Trampning saylovoldi kampaniyasidan ham ko‘proq pul yig‘di. Bu haqda Axios yozdi.

Nashrning ta’kidlashicha, bu Trampning mablag‘ yig‘ish jarayoni so‘nggi oylarda to‘xtab qolganidan dalolat, Harris esa amaldagi prezident Jo Bayden prezidentlikka nomzod bo‘lgan davrdagidan ko‘proq mablag‘ yig‘di.

Avgust oyida Harris va uning qo‘mitalari Demokratik partiya uchun 361 million dollar va Trampning saylovoldi kampaniyasi va tegishli qo‘mitalar uchun 130 million dollar yig‘ildi, deb xabar berdi Federal saylov komissiyasi.

Harrisning prezidentlik kampaniyasiga alohida e’tibor qaratadigan bo‘lsak, u avgust oyida qariyb 190 million dollar to‘plagan. Bu Trampning saylovoldi kampaniyasi, Respublikachilar partiyasi va boshqa qo‘llab-quvvatlovchi qo‘mitalar tomonidan yig‘ilgan 130 million dollardan ko‘proq.

Xususan, 20 sentabr kuni kechqurun Donald Trampning saylovoldi tashviqoti avgust oyida 44,5 million dollar yig‘ishga muvaffaq bo‘lgani, umumiy hisobda esa 135 million dollar to‘plangani haqida xabar berdi.

Axios ma’lumotlariga ko‘ra, bu Respublikachilar partiyasida vahima uyg‘otdi, chunki Harris-Tramp debatidan so‘ng, sobiq prezident mohiyatan hech qanday mablag‘ yig‘olmadi.

Axios xulosasiga ko‘ra, saylovga 45 kundan kamroq vaqt qolganida, Tramp mablag‘ yig‘ish bo‘yicha Harris bilan oradagi bo‘shliqni bartaraf qilolmaydi.

AQSh prezidentligi uchun saylov 5 noyabrda o‘tkaziladi.