Boysundagi «Mustaqillikning 25 yilligi» konida 17 sentabr kuni navbatdagi ofat ro‘y bergan. Buni Kun.uz muxbirining savoliga javob bergan mas’ullar tasdiqladi.

Bosh prokuratura boshqarma boshlig‘i O‘ktam O‘tayevning so‘zlariga ko‘ra, hodisa natijasida ikki kishi halok bo‘lgan, shuningdek, jarohatlanganlar bor. Tergovga qadar tekshiruv olib borilmoqda.

«Haqiqatan, kecha siz aytgan o‘sha noxush holat bo‘yicha, ikki nafar odam halok bo‘lgani bo‘yicha, voqea joyiga viloyat prokurorining o‘zi chiqqan. Hozirda tergovoldi tekshiruv harakatlari olib borilmoqda», dedi u.

Vafot etganlardan tashqari, jarohatlanganlar ham bor.

«O‘lim holati bo‘lgan. Ikki nafar shaxs o‘lgani to‘g‘risidagi holat bor. Yana tan jarohati olingan holatlar ham bor. Hozir tergovga qadar tekshiruv harakatlari o‘tkazilmoqda. Natijasi bo‘yicha sizlarga ma’lumot beriladi», dedi Bosh prokuratura xodimi.