Toshkent viloyati Bo‘stonliq tumanida yuk mashinasi ag‘darilib ketdi. Bu haqda viloyat IIBB YHXB axborot xizmati xabar bermoqda.
Ma’lum qilinishicha, 2024 yil 11 sentabr kuni soat 22:00 larda Toshkent Bo‘stonliq tumani "Chimyon" MFY hududidagi ichki yo‘lda 29 yoshli yoshli haydovchi MAN TGS 41" rusumli yuk mashinasi boshqaruvini yo‘qotgan.
Oqibatda yuk mashinasi ag‘darilib ketgan. Hodisa vaqtida transport vositasida haydovchidan boshqa hech kim bo‘lmagan. Haydovchi tan jarohati olmagan, unga birinchi yordam ko‘rsatilgan.
Qayd etilishicha, hozirda holat yuzasidan Bo‘stonliq tumani IIB YHXB tomonidan surishtiruv ishlari olib borilmoqda.
