Sharof Rashidovning o‘g‘li Ilhom Rashidov vafot etdi. Bu haqda Adliya vazirligi xabar berdi.

“Adliya vazirligi jamoasi Notariat, advokatura va mediatsiya boshqarmasi, notariat bo‘limi bosh maslahatchisi Nodira Ilhomovna Rashidovaning otasi Ilhom Sharofovich Rashidovning vafoti munosabati bilan chuqur hamdardlik bildiradi”, deyiladi xabarda.

U 5 sentabr kuni 74 yoshida hayotdan ko‘z yumdi.

Ilhom Rashidov SSSR Davlat xavfsizlik komiteti oliy maktabini bitirib, shu sohada xizmat qilgan.

U O‘zbekistonni 24 yil boshqargan rahbar Sharof Rashidovning uch qizdan so‘ng to‘rtinchi farzandi bo‘lgan.

Sharof Rashidovning kenja qizi Svetlana Rashidova 2021 yil dekabrida 70 yoshida AQShda vafot etgandi.