6-8 sentabr kunlari Alisher Navoiy nomidagi O‘zbekiston milliy kutubxonasi hamda Hyatt mehmonxonasiga tutash maydonda yirik ko‘ngilochar tadbir – musiqiy festival bo‘lib o‘tadi, deb xabar berdi Toshkent shahar hokimligi.

Qayd qilinishicha, tadbirni yuqori saviyada tashkil etish hamda jamoat xavfsizligi va tartibini saqlash maqsadida ba’zi ko‘chalar yopiladi.

Jumladan,

- Istiqlol ko‘chasi Buyuk Turon va Amir Temur ko‘chalari oralig‘i;

- Buyuk Turon ko‘chasi Istiqlol va Alisher Navoiy ko‘chalari oralig‘i;

- Zarafshon ko‘chasi Istiqlol va Alisher Navoiy ko‘chalari oralig‘i avtotransport harakati uchun yopiladi.

Haydovchilarga shu kunlarda aylanma yo‘llardan foydalanish tavsiya etilgan.