O‘zbekiston elchisi Oybek Shaxavdinov Sloveniyaning Yojyef Shtefan nomidagi institutining Axborot texnologiyalari sohasidagi bilimlarni uzatish markazi rahbari Mitey Yermol va "Mintaqaviy muloqot" xalqaro nodavlat tashkiloti direktori Katey Gershak bilan onlayn uchrashuv o‘tkazdi.

Muzokaralar chog‘ida ikki mamlakat ilmiy-tadqiqot institutlari o‘rtasidagi hamkorlik istiqbollari muhokama qilindi. Istiqbolli yo‘nalishlar — axborot texnologiyalari, jumladan, davlat boshqaruviga sun’iy intellekt texnologiyalarini joriy etishning ahamiyati alohida qayd etildi.

O‘zbekiston Qonunchilik va huquqiy siyosat instituti delegatsiyasining iyul oyida Lyublyana shahriga tashrifi yakunlari bo‘yicha ma’lumot berildi.

Tomonlarni qiziqtirgan asosiy yo‘nalishlarda qo‘shma loyihalarni amalga oshirish bo‘yicha kelishuvga erishildi.