Mustaqillik kuni munosabati bilan “Uzbekistan Airways” mahalliy qatnovlar uchun qo‘shimcha aviareyslar qo‘yilishini ma’lum qildi.
Qayd etilishicha, reyslar 31 avgustdan 3 sentabrgacha Toshkentdan Nukus, Buxoro, Termiz, Farg‘ona, Namangan, Urganchga 2 tomonlama qatnaydi. Quyida aniq jadvali keltirilgan:
- HY015/016 Toshkent – Nukus – Toshkent: 30 avgust, 1 va 3 sentabr;
- HY021/022 Toshkent – Buxoro – Toshkent: 30, 31 avgust va 3 sentabr;
- HY065/066 Toshkent – Termiz – Toshkent: 31 avgust va 2 sentabr;
- HY083/084 Toshkent – Farg‘ona – Toshkent: 1 sentabr;
- HY093/094 Toshkent – Namangan – Toshkent: 2 sentabr;
- HY055/056 Toshkent – Urganch – Toshkent: 31 avgust va 2 sentabr;
- HY051/052 Toshkent – Urganch – Toshkent: 1 sentabr;
- HY057/058 Toshkent – Urganch – Toshkent: 3 sentabr.
Ta’kidlanishicha, mahalliy aviaqatnovlar uchun aviachiptalar tariflaridan 30 foizgacha chegirma beriladi. Aviachiptalarni booking.uzairways.com saytidan, ilovada, “Uzbekistan Airways Sales” filialidan va aviakompaniya agentlaridan xarid qilish mumkin.
Eslatib o‘tamiz, avvalroq “O‘zbekiston temiryo‘llari” AJ Samarqandda “Sharq taronalari” XIII xalqaro musiqa festivali o‘tkazilishi va mustaqillik bayrami munosabati bilan 25 avgustdan 3 sentabrgacha Samarqand–Toshkent–Samarqand yo‘nalishida “Afrosiyob” elektropoyezdining qo‘shimcha qatnovi yo‘lga qo‘yilishini e’lon qilgandi.
Kun.uz bu yo‘nalishga talab yuqori ekani, chiptalar qolmasligi muammosi doimiy aktual ekanidan kelib chiqib, bir necha kunga qo‘yilgan qo‘shimcha reyslarni doimiy reyslarga aylantirish imkoniyati bor-yo‘qligi bilan qiziqib, “O‘zbekiston temiryo‘llari” kompaniyasiga so‘rov yuborgandi. Kompaniya bu infratuzilma xarajatlari tufayli imkonsiz ekanini ma’lum qilgan.
