Joriy yil boshidan beri Rossiya huquq-tartibot idoralari, RF rasmiylariga ko‘ra, qonuniy talablarga amal qilmaydigan 143 mingdan ortiq xorijliklarga mamlakatga kirishiga ruxsat bermagan. «Ushbu toifadagi shaxslarga nisbatan politsiya Rossiyaga kirishga ruxsat bermaslik to‘g‘risida 143,1 mingta qaror qabul qildi, bu 2023 yilning yetti oyidagiga nisbatan 53,1 mingtaga ko‘pdir», — dedi Rossiya Federatsiyasi Ichki ishlar vazirligi vakili Irina Volk 21 avgust, chorshanba kuni Telegram-kanalida 2024 yil yanvaridan iyuligacha bo‘lgan davrda «migratsiya sohasida qonun va tartibni mustahkamlash bo‘yicha faoliyat» natijalari bo‘yicha statistik ma’lumotlarga tayanib.

Ichki ishlar vazirligi ma’lumotlariga ko‘ra, bu davrda Rossiya huquq-tartibot idoralari mamlakatdan chiqarib yuborish bo‘yicha 92 mingdan ortiq qaror qabul qilgan. 1053 nafar muhojirning Rossiya fuqaroligi bekor qilindi. Volk ma’lumotlariga ko‘ra, xorijliklarga berilgan vaqtinchalik yashash uchun ruxsatnomalar soni 44,2 foizga, yashash uchun ruxsatnomalar esa 18,4 foizga kamaydi. 2024 yilning yetti oyida noqonuniy migratsiyani tashkil etish bilan bog‘liq aniqlangan jinoyatlar soni 2023 yil shu davriga nisbatan 2,8 barobarga oshgan. 

Hisobotda rossiyaliklar belgilangan muddat ichida 16,3 foizga ko‘p xorijiy pasport rasmiylashtirgani haqida ma’lumotlar ham bor. Bundan tashqari, amal qilish muddati besh yillik pasportlarga 2024 yil boshidan beri talab kamroq bo‘lgan – ular 2023 yilga nisbatan 19,8 foizga kam rasmiylashtirildi, o‘n yillik amal qilish muddatiga ega pasportlar esa 96 foizga ko‘p berilgan.