Litvada 4000 nafargacha nemis askarini joylashtirish rejalashtirilgan harbiy baza qurilishi boshlandi, dedi 19 avgust kuni Litva qurolli kuchlari qo‘mondoni brigada generali Raymundas Vaykshnoras. «Bugun tarixiy kun, bir necha yillardan keyin o‘z mustaqilligini tiklagan Litva tarixidagi eng yirik loyihalardan biri - juda zamonaviy harbiy lager quriladi», - deya iqtibos keltiradi BNS agentligi Vaykshnorasdan.

170 gektar maydonga ega harbiy lager Belarus bilan chegaradan 20 km uzoqlikda joylashgan Rudninkay poligonida joylashadi. Bazada, xususan, o‘q otish joylari jihozlanadi, shuningdek, tanklar va boshqa jihozlar joylashtiriladi va ularga xizmat ko‘rsatiladi. 

Raymundas Vaykshnorasning fikricha, bazani qurish qiymati 1 milliard yevrodan oshadi. Uning qurilishi mustaqil Litva tarixidagi eng yirik loyihalardan biri bo‘ladi. «Brigada bizning aholimiz uchun kafolat va ruslar uchun to‘siq bo‘lib xizmat qiladi», dedi general. 

Germaniya Litvaga Bundesver brigadasini yuboradi

Germaniya hukumati Rossiya Federatsiyasining Ukrainaga qarshi keng ko‘lamli urushi fonida NATO sharqiy qanotini mustahkamlash va Litvada 5000 kishidan iborat Bundesver brigadasini doimiy ravishda joylashtirishga qaror qildi. U 2027 yilgacha to‘liq jangovar shay holatga keltirilishi kerak va Bundesverning 4800 ga yaqin askar va ofitserlaridan, shuningdek, oilalarini Litvaga olib kelish imkoniyatiga ega bo‘lgan 200 nafar fuqarodan iborat bo‘ladi. 

Askarlarning aksariyati Rudninkaydagi harbiy bazaga, yana 1000 ga yaqin kishi esa Litva boshqa obektlariga joylashtirilishi rejalashtirilgan.