Hindiston bosh vaziri Narendra Modi Isroil bosh vaziri Binyamin Netanyahu bilan telefon orqali suhbatda mintaqadagi keskinlikni kamaytirish va o‘t ochishni to‘xtatish bo‘yicha kelishuvga erishish muhimligini ta’kidladi.

Modi X ijtimoiy tarmog‘ida Isroil vazirlar mahkamasi rahbari bilan suhbati natijalarini e’lon qildi.

Hindiston hukumati rahbarining so‘zlariga ko‘ra, Netanyahu unga Hindiston mustaqilligi 78 yilligi munosabati bilan qo‘ng‘iroq qilgan. 

Telefon muloqoti chog‘ida Yaqin Sharqdagi keskinlikni kamaytirish yo‘llari muhokama qilindi, dedi Modi.

«Men yana barcha asirlarni ozod qilish, o‘t ochishni to‘xtatish to‘g‘risida bitim tuzish va uzluksiz insonparvarlik yordamini ko‘rsatish bo‘yicha chaqiriqni takrorladim», — deya qo‘shimcha qildi siyosatchi.