Xalqaro inson huquqlari tashkiloti Amnesty International (AI) Yaqin Sharq kabi harbiy mojarolar bo‘lgan mintaqalarga qurol-yarog‘ yetkazib berilishining nomaqbulligini ta’kidladi. 19 avgust, dushanba kuni AI vakillari biologik qurollarni ishlab chiqish, ishlab chiqarish va to‘plashni taqiqlash to‘g‘risidagi konvensiyani kuchaytirish bo‘yicha ishchi guruh majlisida: «Dunyoning ba’zi yirik eksportyorlari Xalqaro qurol savdosi shartnomasining cheklovchi qoidalarini ochiqdan-ochiq buzmoqda», deya ma’lum qildi. 

Huquq faollariga ko‘ra, noqonuniy qurol yetkazib berish G‘azo sektori, Sudan, Myanma va boshqa hududlarda katta talafotlarga olib kelgan. AI Xalqaro qurol savdosi shartnomasi 2014 yil dekabrida kuchga kirganidan beri tashkilot jiddiy qonunbuzarliklarga olib kelgan bir qator noqonuniy yetkazib berish holatlarini qayd etganini ta’kidladi. 

Qurol savdosi shartnomasiga a’zo bo‘lmaganlar

2013 yil aprel oyida BMT Bosh assambleyasida 150 dan ortiq davlatlar qurol savdosi shartnomasini qo‘llab-quvvatlagan edi. Ushbu hujjat 2014 yil 24 dekabrda kuchga kirdi. Bugungi kunga qadar 81 davlat unga a’zo bo‘lib, 130 davlat uni imzolagan. 

Xususan, Rossiya, Ukraina, AQSh, Xitoy, Hindiston, Pokiston va Saudiya Arabistoni Xalqaro qurol savdosi shartnomasi ishtirokchisi emas.