Rossiyaning Irkutsk viloyatida Tu-22M strategik bombardimonchi samolyoti halokatga uchradi.

Qayd etilishicha, bombardimonchi samolyot Irkutsk viloyatining Usolskiy tumanidagi Belaya aviabazasi aerodromidan havoga ko‘tarilgan. So‘ngra, Cheremxovo tumanida yerga qulagan. Guvohlarning so‘zlariga ko‘ra, samolyot havoda yonib ketgan.

Mahalliy matbuotning xabar berishicha, samolyot ekipaji katapulta qilishga ulgurgan. Ular 4 nafar bo‘lgani va tirik qolgani aytilmoqda.

Rossiya Mudofaa vazirligi rejali parvozni amalga oshirayotgan samolyot halokatga uchraganini va «ekipaj tirik» ekanini tasdiqladi. Tu-22M texnik nosozlik tufayli qulab tushgani ta’kidlanmoqda.