Litva hukumati bu yil mudofaa uchun yana 130 million yevro sarmoya kiritadi. Shunday qilib, Boltiqbo‘yi davlati uchun mudofaa xarajatlari 2024 yilda yalpi ichki mahsulotning 3,2 foizigacha oshadi, dedi mudofaa vaziri Laurinas Kaschyunas 14 avgust, chorshanba kuni.
Unga ko‘ra, ushbu qarordan so‘ng Litva ushbu ko‘rsatkich bo‘yicha NATO davlatlari orasida to‘rtinchi o‘rinni egallaydi. Litva Mudofaa vazirligi dronlar va uchuvchisiz uchish tizimlarni xarid qilish, harbiy xizmatchilarni tungi ko‘rish moslamalari va lazer nishonlari bilan ta’minlash, shuningdek, Piorun havo mudofaasi portativ tizimlarini sotib olish va boshqa mudofaa loyihalarini amalga oshirish uchun qo‘shimcha mablag‘ ajratishni rejalashtirmoqda, dedi vazir.
Kaschyunas, shuningdek, hozirgi Litva hukumati ish boshlaganidan beri mudofaa xarajatlari 1,1 milliarddan 2,42 milliard yevrogacha oshganini ta’kidladi, bu «armiyani modernizatsiya qilish jarayonida sezilarli yutuqqa erishish imkonini berdi».
NATO talabi - mudofaa xarajatlari YaIMning kamida 2 foizi
Rossiyaning Ukrainaga 2,5 yildan beri davom etayotgan hujumi fonida NATO davlatlari mudofaa xarajatlarini oshirishga intilmoqda va 2024 yilda alyans tomonidan 2014 yilda belgilangan yalpi ichki mahsulotning kamida 2 foizini ushbu maqsadlarga sarflash maqsadini amalga oshirishga harakat qilmoqda. NATO bosh kotibi Yyens Stoltenbergning so‘zlariga ko‘ra, ittifoqchilar joriy yilda mudofaa xarajatlarini o‘rtacha 18 foizga oshiradi, bu esa o‘n yilliklardagi eng katta o‘sishdir.
Germaniya NATOning ushbu talabiga 20 yildan ortiq vaqtdan beri birinchi marta amal qilmoqchi. 2024 yilda Germaniyaning mudofaa xarajatlari rekord darajadagi 90,6 milliard yevroni tashkil etishi rejalashtirilgan, bu yalpi ichki mahsulot 2,12 foiziga to‘g‘ri keladi.
