Isroil harbiy-havo kuchlarining G‘azo sektoridagi ikkita maktabga bergan zarbasi oqibatida kamida 15 kishi, jumladan, bolalar halok bo‘ldi. Bu haqda G‘azo sektoridagi fuqarolik mudofaasi boshqarmasining Telegram-akkauntida aytilgan.

Binolar ko‘chirilgan falastinliklar uchun boshpana vazifasini o‘tagan.

G‘azo shahri sharqidagi Tuffa hududida «Az-Zahro» va «Abdulfattoh Hamud» maktablari o‘qqa tutildi.

Isroil armiyasi binolar Falastinning Hamas harakati tomonidan «xavfsiz boshpana» sifatida foydalanilganini aytdi.

Isroil armiyasi Xon-Yunusdagi uyga zarba berganida 5 kishi halok bo‘ldi

Dastlabki ma’lumotlarga ko‘ra, isroillik harbiylarning G‘azo sektori janubidagi Xon-Yunus shahrida uyni o‘qqa tutishi oqibatida besh nafar falastinlik halok bo‘lgan, yana ikki nafari yaralangan.

Xon-Yunusning sharqidagi Al-Qarara hududida falastinlik Ahmad oilasining uyi o‘qqa tutildi.