«O‘zgidromet» O‘zbekiston bo‘yicha 6-8 avgust kunlari kutilayotgan ob-havo prognozini e’lon qildi.

Qoraqalpog‘iston Respublikasi va Xorazm viloyatida havo biroz bulutli bo‘ladi, yog‘ingarchilik kutilmaydi. Shamol sharqdan 7–12 metr/soniya tezlikda esadi, 7–8 avgustda ba’zi joylarda 13–18 metr/soniyagacha kuchayishi, ayrim joylarda chang-to‘zonlar bilan kuzatilishi mumkin. Harorat kechasi +22...+27 daraja, kunduzi 6–7 avgustda +38...+43 daraja, 8 avgustda +36...+41 daraja bo‘ladi.

Buxoro va Navoiy viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7–12 metr/soniya tezlikda esadi, ba’zi joylarda 13–18 metr/soniyagacha kuchayishi, ayrim joylarda chang-to‘zonlar bilan kuzatilishi mumkin. Harorat kechasi +23...+28 daraja, kunduzi 6 avgustda +35...+40 daraja, ba’zi joylarda +42 darajagacha; 7 avgustda +35...+40, 8 avgustda +38...+43 daraja, ba’zi joylarda +44 darajagacha bo‘ladi.

Toshkent, Sirdaryo, Jizzax va Samarqand viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7–12 metr/soniya tezlikda esadi, ba’zi joylarda 13–18 metr/soniyagacha kuchayishi, ayrim joylarda chang-to‘zonlar bilan kuzatilishi mumkin. Harorat kechasi +21...+26 daraja, kunduzi 6–7 avgustda +35...+40 daraja, 8 avgustda +37...+42 daraja bo‘ladi.

Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7–12 metr/soniya tezlikda esadi, 6–7 avgustda ba’zi joylarda 13–18 metr/soniyagacha kuchayishi, ayrim joylarda chang-to‘zonlar bilan kuzatilishi mumkin. Harorat kechasi +23...+28 daraja, kunduzi 6–7 avgustda +37...+42 daraja, 8 avgustda +38...+43 daraja, ba’zi joylarda +45 darajagacha bo‘ladi.

Andijon, Namangan va Farg‘ona viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 5–10 metr/soniya tezlikda esadi, 6 avgustda ba’zi joylarda 13–18 metr/soniyagacha kuchayishi mumkin. Harorat kechasi +20...+25 daraja, kunduzi 6–7 avgustda +34...+39 daraja, 8 avgustda +36...+41 daraja bo‘ladi.

Respublikaning tog‘li hududlarida havo biroz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi, 6 avgustda Farg‘ona vodiysi viloyatlarida qisqa muddatli yomg‘ir yog‘ishi, momaqaldiroq bo‘lishi mumkin. Shamol sharqdan 7–12 metr/soniya tezlikda esadi, ba’zi joylarda 13–18 metr/soniyagacha kuchayishi mumkin. Harorat kechasi +15...+20 daraja, kunduzi +27...+32 daraja bo‘ladi.

Avvalroq issiq kunlar munosabati bilan SSV qator tavsiyalarga amal qilishni so‘ragandi:

— soat 10:00 dan 17:00 ga qadar soya-salqin joylarda bo‘lish;

— tashqariga chiqqanda tabiiy, yorqin rangdagi, paxta matosidan bo‘lgan liboslar va yengil bosh kiyim kiyish hamda quyoshdan himoyalovchi ko‘zoynak taqish;

— kuniga 3 litrdan kam bo‘lmagan miqdorda suyuqlik ichish, ko‘proq meva-sabzavotlar iste’mol qilish;

— gazlangan, energetik va alkogol ichimliklar, qahva iste’mol qilmaslik. Yog‘li, dudlangan taomlar tanovul qilmaslik;

— kun davomida iliq dush qabul qilish, vaqti-vaqti bilan badanni sovuq suvda namlangan dastro‘mol bilan artib turish;

— Quyosh urganda bemorni salqin joyga ko‘chirib, gorizontal holda yotqizib, oyoqlarini sal ko‘tarish, kiyimlarini yechish, yuzini sovuq suvda yuvish va biror xo‘llangan matoni yurak sohasiga qo‘yish. Unga salqin ichimlik yoki qatiq ichirish va zudlik bilan shifokorga murojaat qilish.

Qo‘shimcha qilinishicha, tibbiyot maskanlari 24 soat davomida navbatchi shifokor va hamshiralar faoliyat yuritadi. Muassasalar zarur dori-darmonlar bilan ta’minlanib, zaxira o‘rinlari yaratilgan.