Isroil ma’muriyati mamlakat armiyasining Bayrut va Tehrondagi hujumlaridan keyin mintaqadagi keskinlik tufayli mamlakat shimolida havo hududini yopdi.

Isroil matbuoti mamlakat shimolidagi havo hududi Hadera shahridan boshlab parvozlar uchun yopiqligini bildirmoqda.

Parvozlarni taqiqlash 24 soat davomida amal qiladi va mintaqadagi yo‘llarda hech qanday cheklovlar bo‘lmaydi.

Isroil armiyasi 30 iyul kuni Livan poytaxtiga havo hujumlari uyushtirgani, natijada «Hizbulloh» harakati qo‘mondonlaridan biri Fuad Shukur halok bo‘lganini ma’lum qildi.

31 iyul, chorshanba kuni ertalab HAMAS siyosiy byurosi rahbari Ismoil Haniya Eron poytaxtida uyushtirilgan hujumda halok bo‘ldi.