AQSh boshchiligidagi xalqaro koalitsiya Bag‘doddagi «Hashdi Shabi» jangchilariga havo hujumi uchun javobgardir.

Bu haqda Iroq bosh vaziri Muhammad Shia as-Sudaniyning harbiy matbuot kotibi general Yahyo Rasul ma’lum qildi.

«Koalitsiya kuchlari xorijdan kelgan harbiy samolyotlardan foydalangan holda dahshatli hujum uyushtirdi va Bobil janubidagi Iroq xavfsizlik kuchlarining («Hashdi Shabi» ) pozitsiyalariga zarba berdi», dedi Rasul.

U «Hashdi Shabi» bo‘linmasi a’zolarining o‘limiga sabab bo‘lgan va ko‘plarga jarohat yetkazgan hujumni «mas’uliyatsiz va oqlab bo‘lmaydigan hujum» deb atadi.

«Bunday harakatlar xavfli bo‘lib, Iroq va Suriyada IShIDga qarshi kurashda xavfsizlikni ta’minlash bo‘yicha hamkorlikdagi barcha sa’y-harakatlar va mexanizmlarga jiddiy putur yetkazadi», — dedi Rasul.