Andijonda sodir bo‘lgan YTHda haydovchi halok bo‘ldi

“Nexia-2” haydovchisi asosiy yo‘ldan kelayotgan yuk mashinasini o‘tkazib yubormasdan burilgan. Oqibatda yuk mashinasi “Nexia-2” bilan to‘qnashgan.

Andijon viloyati Baliqchi tumanida sodir bo‘lgan YTHda haydovchi halok bo‘lgan. Viloyat IIB YHXB axborot xizmatining xabar berishicha, hodisa bugun, 1 avgust kuni sodir bo‘lgan.

61 yoshli T.A. “Nexia-2” mashinasini Baliqchi tumani markazi tomonidan boshqarib kelib chorrahada asosiy yo‘ldan kelayotgan “Zil-130” yuk mashinasini o‘tkazib yubormagan va chap tarafga keskin burilgan.

Shunda “Zil-130” haydovchisi tormoz bosishga ulgurmasdan “Nexia-2” bilan to‘qnashgan. Oqibatda og‘ir tan jarohatlari olgan “Nexia-2” haydovchisi shifoxonada vafot etgan.

Qayd etilishicha, holat yuzasidan, Baliqchi tumani IIB Tergov bo‘limi xodimlari tomonidan tergovga qadar dastlabki surishtiruv ishlari olib borilmoqda.

#YTH