Samarqand shahrida yana bola o‘limi bilan bog‘liq YTH sodir bo‘ldi. Bu haqda viloyat YHXB xabar berdi.

Ma’lum qilinishicha, YTH 23 iyul kuni soat 14:00lar atrofida shaharning «Saxovat» MFY hududidan o‘tuvchi ichki yo‘lda sodir bo‘lgan. Labo mashinasini boshqarib borayotgan haydovchi yo‘lning qatnov qismida velosipedda harakatlanib kelayotgan 9 yoshli bolani urib, bosib o‘tgan. Buning oqibatida bola og‘ir tan jarohatlari bilan shifoxonaga yotqizilgan. Ammo ko‘rsatilgan tibbiy yordamga qaramasdan u vafot etgan.

«Bola velosiped bilan kelib, birdan oldimdan chiqib qoldi, ko‘rmay qoldim uning kelayotganini. Haydovchilar va velosipedchilardan hushyor bo‘lishlarini so‘rab qolardim. Qilgan ishimdan pushaymonman, ikkinchi qaytarilmaydi», - degan haydovchi.

IIB xodimining so‘zlariga ko‘ra, YTH voyaga yetmagan velosipedchi qarovsiz ko‘chaga chiqqani va haydovchining e’tiborsizligi oqibatida sodir bo‘lgan. Hozirda tergovga qadar surishtiruv ishlari olib borilmoqda.

Oldinroq Samarqandda 7 yoshli bola Nexia urib ketishi oqibatida vafot etgandi.