Sodiq Azimov ko‘chasining bir qismini gastronomik ko‘chaga aylantirish rejalashtirilmoqda 

Toshkent markazidagi Sodiq Azimov ko‘chasining bir qismini ham 24 soatlik gastronomik ko‘chaga aylantirish rejalashtirilmoqda. 

Loyihani qo‘llab-quvvatlovchi «Mikrokreditbank» xabariga ko‘ra, loyiha doirasida yoritish ustunlarini yangilash, o‘rindiq va axlat qutilarini o‘rnatish, yangi ko‘chatlar ekish, sug‘orish tizimini tashkil etish, musiqa tizimini tashkil etish rejalashtirilgan.

Piyodalar yo‘laklarini yangilash va kengaytirish, velosiped yo‘laklarini tashkil qilish, yo‘l chetlari bo‘ylab avtoturargohlar, bolalar maydonchalarini yaratish rejalashtirilmoqda.

Mavjud umumiy ovqatlanish shoxobchalaridan tashqari, ko‘chada fudtraklar paydo bo‘ladi va ko‘cha taomlarini sotadi.

Avvalroq Taras Shevchenko ko‘chasini gastronomik ko‘chaga aylantirish reja qilinayotgani haqida xabar berilgandi.