Ukraina bilan urushda qatnashgan harbiy xizmatchilarga, shuningdek, o‘tgan 12 oy davomida – 2023 yil iyulidan 2024 yil iyunigacha bo‘lgan jangovar harakatlar paytida yaradorlar va halok bo‘lganlarning qarindoshlariga to‘lovlar taxminan 2,75-3 trillion rublni tashkil qildi. Bunday hisob-kitoblar 16 iyul, seshanba kuni Re:Russia loyihasi tomonidan e’lon qilindi va bu miqdor Rossiyaning 2024 yilda kutilayotgan YaIMning 1,5 foiziga to‘g‘ri kelishini ko‘rsatilmoqda.

«Jami, millionga yaqin Rossiya fuqarolari urushda qatnashgan», - deydi nashr. Ukrainadagi rus guruhi, harbiy maoshlar miqdori, shartnoma xizmati uchun to‘lovlar va jarohatlar uchun to‘lovlar to‘g‘risidagi ma’lumotlarga asoslanib, jurnalistlar quyidagi xulosaga keldi: «Faqat o‘tgan yil uchun jangchilarning maoshlari, jarohatlar va o‘limlar uchun to‘lovlar miqdori guruhning taxminiy hajmiga qarab 2,75 trillion rubldan 3 trillion rublgacha bo‘lishi mumkin, bu 2024 yilda Rossiyaning kutilayotgan YaIM 1,4-1,6 foizini tashkil qiladi (191 trillion) va joriy yil uchun barcha federal budjet xarajatlarining (jami 36,7 trln rubl) 7,5-8,2 foiziga teng». 

Shu bilan birga, harbiy xizmatchilarga oylik to‘lovlar (shartnoma tuzish uchun bir martalik to‘lovlarni o‘z ichiga olgan holda), Re:Russia hisob-kitoblariga ko‘ra, 1,55 - 1,8 trillion rublni, jarohatlar va o‘limlar uchun to‘lovlar esa taxminan 1,2 trillion rublni tashkil etdi.

Urush mehnat bozorining bir qismi sifatida 

Loyiha kuzatuviga ko‘ra, «so‘nggi bir yarim-ikki yil ichida urush Rossiya mehnat bozori va fuqarolarning umumiy daromadi muhim qismiga aylandi». Turli manbalardan olingan Rossiyaning Ukrainadagi yo‘qotishlari haqidagi ma’lumotlarni tahlil qilib, jurnalistlar Rossiya frontda «ishchi kuchining taxminan 1,3 foizini» yo‘qotgan degan xulosaga keldi.