Yaponiya Rossiyaning Ukrainaga qurolli hujumidan keyin muzlatilgan Rossiya aktivlaridan musodara qilingan foizlar hisobidan Ukrainaga 3,3 milliard dollar miqdorida kredit beradi. Bu mablag‘lar «katta yettilik» mamlakatlari Kiyevga yordam ko‘rsatish uchun kelishib olgan 50 milliard dollarlik paketning bir qismidir, deb xabar berdi Yaponiyaning Kyodo axborot agentligi 17 iyul, chorshanba kuni diplomatik manbalarga tayanib.

Erishilgan kelishuvga ko‘ra, AQSh va Yevropa Ittifoqi Ukrainaga har biri 20 milliard dollardan, Yaponiya, Britaniya va Kanada esa jami 10 milliard dollardan yordam beradi. 

To‘plam iyul oyida Braziliyada bo‘lib o‘tadigan «katta yigirmatalik» moliya vazirlarining konferensiyasi arafasida rasman tasdiqlanishi kutilmoqda.