Toshkentda elektroskuter haydovchisi piyodani urib yubordi

Piyoda bilan to‘qnashuvdan so‘ng uning o‘zi ham rul boshqaruvini yo‘qotib elektroskuterdan yiqilgan. YTH natijasida elektroskuter haydovchisi va piyoda tan jarohat olgan.

Joriy yilning 14 iyul kuni soat 20:30 larda Yakkasaroy tumani KHAY ko‘chasida haydovchi, 2001 yilda tug‘ilgan B.S. elektroskuter transport vositasini boshqarib ketayotib YTH sodir etgan.

Toshkent shahar IIBB YHXB xabariga ko‘ra, u piyoda, 1983 yilda tug‘ilgan N.N.ni urib yuborib, piyoda bilan to‘qnashuvdan so‘ng o‘zi ham rul boshqaruvini yo‘qotib elektroskuterdan yiqilgan.

YTH natijasida elektroskuter haydovchisi va piyoda tan jarohat olgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.

#YTH #elektroskuter