8 iyul tongida Rossiya armiyasi Ukraina bo‘ylab yopirilma zarbalar yo‘lladi, Kiyev, Dnipro, Kriviy Rih, Slovyansk, Kramatorsk shaharlari tomon 40 dan ortiq raketa uchirilgan. Ukrain rasmiylariga ko‘ra, Kiyevda RF harbiylari fuqarolik infratuzilmalariga qasddan hujum qilgan. Shevchenkovo rayonida raketa «Oxmatdet» bolalar shifoxonasi korpusiga urilib, jonlantirish, jarrohlik va onkologiya bo‘limlariga zarar yetkazgan. Shevchenkovo va Solomenskiy rayonlarida ikkita ko‘p qavatli binoga ham zarba kelib tushgan, ulardan birining pod’yezdi to‘liq qulab tushgan. Ukraina xavfsizlik xizmatiga ko‘ra, «Oxmatdet» shifoxonasiga rossiyaliklarning X-101 raketasi bilan zarba berilgan. RF mudofaa vazirligi Kiyevdagi vayrongarchiliklar «ukrainlarning havo hujumidan mudofaa tizimi raketalari qulashi» oqibatida ro‘y berganini xabar qilgan. Rossiyaning Ukraina poytaxti bo‘ylab zarbalari oqibatida kamida 17 kishi halok bo‘lgan, yana 41 kishi yaralangan. Shuningdek, Dnipro va Kriviy Rih bo‘ylab yo‘llangan zarbalar 11 kishini hayotdan olib ketgan.