Shayxontohur tumanida bir-biriga tutash qurilgan xonadonlarda yong‘in sodir bo‘ldi. Toshkent shahar FVB yong‘in to‘g‘risida ma’lumot berdi.

Unga ko‘ra, bugun soat 13:54da Shayxontohur tumani, Quvur ariq 2-tor ko‘chasida joylashgan bir-biriga tutash qurilgan 3 ta xonadonda yong‘in sodir bo‘lganligi to‘g‘risida tuman FVBga xabar kelib tushgan. 7 ta yong‘in-qutqaruv ekipaji soat 14:00da voqea joyiga yetib borgan hamda yong‘in soat 14:25 da o‘rab olinib, soat 14:47da to‘liq o‘chirilgan.

Qayd etilishicha, hodisa oqibatida tan jarohati olgan va halok bo‘lganlar yo‘q.Hozirda yong‘in sababi va moddiy zarar miqdori aniqlanmoqda.

Avvalroq Samarqandda sodir bo‘lgan yong‘inda beshta xonadon jiddiy zararlangandi.