Xorazm viloyati Urganch shahridagi Khorezm Insulation Group korxonasiga jurnalistlar va blogerlar uchun press-tur tashkil etildi. Press-tur davomida mamlakatimiz qurilish salohiyati va mahalliy aholini ish o‘rinlari bilan ta’minlashga qaratilgan ishlar taqdim etildi.
Ta’kidlanishicha, korxona bazalt toshidan yillik 30 ming tonna izolyatsiya plitalari ishlab chiqarish quvvatiga ega bo‘lib, o‘z mahsulotlarini Thermo Plus savdo belgisi ostida O‘zbekiston va jahon bozorlariga taqdim etishni boshladi. Rossiya va qo‘shni davlatlarga 10 million dollarlik eksport imkoniyati yaratilgani ma’lum qilindi. Korxonada ishlab chiqarilayotgan mahsulotlar jahon standartlariga mosligiga alohida e’tibor qaratiladi. Loyiha qiymati 41 million yevrodan iborat bo‘lib, 200 ta yangi ish o‘rni yaratilgan.
Press-turda mehmonlar ishlab chiqarish jarayonlari bilan yaqindan tanishib, xodimlar va mutaxassislar bilan suhbatlashdilar. Mahsulotlar sifati sinchkovlik bilan tekshirilishini kuzatdilar. Shuningdek, jurnalistlar va blogerlar bazalt izolyatsiya mahsulotlaridan foydalangan holda qurilayotgan Yangi O‘zbekiston massivlari va ta’lim obektlari bilan tanishdilar.
Bazalt izolyatsiya plitalari o‘zining yuqori issiqlik saqlash xususiyati va uzoq muddat davomida o‘z xususiyatlarini yo‘qotmasligi bilan ajralib turadi. Ma’lumotlarga ko‘ra, bazalt izolyatsiya plitalari bilan qoplangan binolar elektr energiyasini sezilarli darajada tejaydi.
Khorezm Insulation Group korxonasi nafaqat tijorat qurilish obektlari, balki aholi uy-joylari uchun ham mahsulotlarini yetkazib berishni boshlab yuborgan. Bu ishlab chiqarish salohiyati korxonaning yuksak ijtimoiy ahamiyatini tasdiqlaydi.
𝗧𝗵𝗲𝗿𝗺𝗼 𝗣𝗹𝘂𝘀 — Harorat muallifi!
Ma’lumot uchun: 📞+998 55 516 01 01 📞 +998 90 150 00 00
Telegram |Instagram | Facebook | X(twitter) | You tube | Veb-sayt
