Toshkent viloyati Chirchiq shahrida Spark avtomashinasi suvga tushib ketdi. Bu haqda viloyat IIBB xabar berdi.
Chirchiq shahar Iqbol mahallasi hududida 1971 yilda tug‘ilgan ayol (haydovchi D.M.) Spark mashinasida orqaga harakatlanayotgan vaqtida boshqaruvni yo‘qotib suvga tushib ketgan.
Mazkur jarayonda ishtirok etgan barcha fuqarolar shahar FVB xodimlari bilan hamkorlikda qutqarib olingan.
Voqeada tan jarohati olganlar yo‘q. Avtomashina suvdan olib chiqildi. Holat yuzasidan surishtiruv olib borilmoqda.
