11 iyun kuni Qirg‘izistonda sodir bo‘lgan zilzila kuchi O‘zbekistonda sezildi, deb xabar bermoqda FVV Seysmoprognostik monitoring respublika markazi.

Yer silkinishi Toshkent vaqti bilan 17:09 da ro‘y bergan. Uning koordinatalari: 41,58 gradus shimoliy kenglik; 71,21 gradus sharqiy uzunlik. Magnituda – 4,2. Chuqurlik – 10 km. Episentr – Toshkentdan 170 km janubi-g‘arbda.

FVV xabariga ko‘ra, zilzila Namangan viloyatining quyidagi uch tumani hududida sezilgan:

• Yangiqo‘rg‘on tumanida 2-3 ball, 43 km.
• Kosonsoy tumanida 2 ball, 53 km.
• Chust tumanida 2 ball, 59 km.

Shu vaqtda Toshkent shahrida yashovchilar ham yer silkinishini sezgani haqida xabarlar berdi.