Toshkent viloyatida yuk mashinasi daryoga tushib ketdi

Jamiyat 07:36 / 10.06.2024 13561

Joriy yilning 9 iyun kuni soat 18:30 atrofida Toshkent viloyati Yuqori Chirchiq tumanida yuk mashinasi Chirchiq daryosiga tushib ketdi.

Viloyat Yo‘l harakati xavfsizligi boshqarmasi xabariga ko‘ra, korxonalar orasida tashkil etilgan avtomobil yo‘lidagi ko‘prikda 23 yoshli haydovchi boshqaruvidagi Howo yuk mashinasi ehtiyotsizlik oqibatida daryoga tushib ketgan.

Oqibatda mashinada bo‘lgan yo‘lovchi voqea joyida vafot etgan. Haydovchiga birinchi tibbiy yordam ko‘rsatilgan. 

Ijtimoiy tarmoqlarda tarqalgan videolarda hodisa poyga tufayli yuz bergani aytilgan.

Hozirda holat yuzasidan tergov harakatlari olib borilmoqda.

Ko‘proq yangiliklar: