Qoʻshimcha funksionallar
-
Tungi ko‘rinish
Markaziy Osiyo davlatlarining 2024 yilgi Haj kvotalari ma’lum bo‘ldi
O‘zbekistonga 15 mingta kvota ajratilgan. Tojikistondan 7 ming, Qirg‘izistondan 6 ming, Qozog‘istondan 5 ming ziyoratchi bu yil Hajga boradi. Turkmaniston bo‘yicha bu yilgi kvota ma’lum emas, o‘tgan yili bu mamlakatning 2300 dan ortiq fuqarosi hoji borib qaytgan.

Foto: AP
Saudiya Arabistoni 2024 yilgi Haj mavsumi uchun O‘zbekistonga 15 mingta kvota ajratdi. Bu Markaziy Osiyo davlatlari orasida eng katta ko‘rsatkich hisoblanadi.
Bu borada keyingi o‘rinni Tojikiston egallab turibdi. Uning kvotasi taxminan 7 ming o‘rinni tashkil qiladi. Safar narxi hozircha e’lon qilinmagan, biroq o‘tgan yili Haj narxi bir kishi uchun 59 ming somoniyga (taxminan 5440 dollar) yetgan edi.
Qirg‘iziston 6 ming 60 nafar kishini Hajga yuborish huquqini oldi. Biroq, rasmiylar yana 500 ta zaxira o‘rin tayyorlagan. OAV ma’lumotlariga ko‘ra, ziyoratgohlarga safar qilish uchun ariza topshirganlarning barchasi allaqachon 2 ming dollar va qaytarib berilmaydigan 1000 qirg‘iz so‘mi (11 dollar) miqdoridagi dastlabki to‘lovni amalga oshirgan. Bu yil qirg‘izistonliklarning hajga borish xarajati 3750 dollar atrofida bo‘ladi. Qayd qilinishicha, Haj safari yildan yilga arzonlashmoqda: 2022 yilda u 4,5 ming dollar, 2023 yilda taxminan 3,9 ming dollar turar edi.
Qozog‘istondan Makkaga rasman 5 ming 81 nafar kishi boradi. Biroq, mamlakat musulmonlari idorasi ta’kidlaganidek, agar fuqarolar qabul qiluvchi davlat qoidalariga ko‘ra ro‘yxatdan o‘tib, xizmat haqini oldindan to‘lasa, ziyoratchilar soni 10 mingga yetishi mumkin. Uning narxi haqida xabar berilmagan.
Turkmanistonda bu yilgi ziyoratchilar soni haqida xabar berilmadi. 2023 yilda 2312 nafar Turkmaniston fuqarosi Hajga borgan va bu 2022 yilga nisbatan qariyb o‘n barobar ko‘p edi.
Tavsiya etamiz
Soch to‘kilishi, ko‘z osti qorayishi, lab yorilishi: tana tili bizni nimalardan ogohlantiradi?
Jamiyat | 17:08 / 10.07.2025
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
So‘nggi yangiliklar
-
Har yakshanba kunlari Toshkentdan Maldivga to‘g‘ridan to‘g‘ri reyslar
O‘zbekiston | 09:00 / 11.07.2025
-
AQSh Senati qo‘mitasi Ukrainaga 500 mln dollarlik yordam ajratishni ma’qulladi
Jahon | 02:32
-
Dubayda bosh oshpaz rolini sun’iy intellekt bajaradigan restoran ochiladi
Fan-texnika | 01:29
-
Shavkat Mirziyoyev mahalla inspektori bo‘lgan katta leytenantga kapitan unvonini berdi, fuqarolarni yashash joyi bo‘yicha ro‘yxatdan o‘tkazish tartibi belgilandi - mahalliy dayjest
O‘zbekiston | 23:54 / 11.07.2025
Mavzuga oid

15:04 / 07.07.2025
Rossiya Markaziy Osiyo energetika tizimlarining parallel ishiga qo‘shilish niyatida

08:34 / 04.07.2025
Saudiya kompaniyasi O‘zbekistonda shamol elektr stansiyalari uchun turbina va qanotlar ishlab chiqaradi

23:21 / 03.07.2025
“Tasodifiy, lekin yaxshi kontekst” - ekspertlar Ozarboyjonga tashrifning geosiyosiy ahamiyati haqida

20:14 / 03.07.2025