Rossiyaning Xarkiv yaqinidagi Cherkasskaya Lozovaya qishlog‘idagi dam olish markaziga raketa hujumi natijasida halok bo‘lganlar soni yetti kishiga yetdi, deb ma’lum qildi 20 may, dushanba kuni Xarkov viloyati ma’muriyati rahbari Oleg Sinegubov.

Sho‘ng‘ish xizmati bo‘linmalari suv omboridan erkak tanasining bo‘laklarini topdi, deb yozadi Sinegubov. Otishmaning o‘zi bir kun oldin sodir bo‘lgan. Mahalliy hokimiyat ma’lumotlariga ko‘ra, dam olish maskani hududiga ikkita «Iskander-M» raketasi hujum qilgan. Zarba natijasida, so‘nggi ma’lumotlarga ko‘ra, 28 kishi jarohatlangan.

Bundan tashqari, bir kun avval Kupyansk tumani ham o‘qqa tutilgan, hujumlar natijasida besh kishi halok bo‘lgan, yana to‘qqiz kishi yaralangan, deya xabar beradi Sinegubov.

Rossiya yangi hujumi fonida Xarkiv viloyatini o‘qqa tutishni kuchaytirdi

10 may kuni Rossiya qo‘shinlari Ukrainaning Xarkiv viloyatidagi chegara hududlarini o‘qqa tutishni keskin kuchaytirdi. Shu kuni ular bir qator hududlarda hujumga o‘tib, keyinroq o‘ndan ortiq aholi punktlarini nazorat ostiga olishdi.

17 may, juma kuni Rossiya prezidenti Vladimir Putin Rossiya armiyasi «bugungi kunda» Xarkivni egallashni rejalashtirmaganini aytdi. U hujum operatsiyasini Ukraina Qurolli kuchlari chegara hududlarini o‘qqa tutgani sababli Rossiyaning Ukraina bilan chegarasida «sanitar zona» yaratish istagi bilan izohladi.