Samarqand shahrida sodir bo‘lgan yo‘l-transport hodisasida “Nexia-2” mashinasi ikkiga bo‘linib ketdi.

Viloyat IIB YHXB axborot xizmatining xabar berishicha, hodisa 2024 yil 18 may kuni soat 23:00 larda sodir bo‘lgan.

Samarqand shahar “Xo‘jadonyor” MFY hududidan o‘tuvchi I.Karimov ko‘chasida, 1991 yilda tug‘ilgan haydovchi “Nexia-2” mashinasida ketayotib, rul boshqaruvini yo‘qotgan.

So‘ng yo‘lning o‘ng tomon chetki qismida joylashgan temir ustunga o‘ng yon tomon orqa eshigi bilan urilgan. YTH oqibatida yo‘lovchilar jarohatlangan.

Qayd etilishicha, mazkur holat yuzasidan Samarqand shahar IIO FMB tergov bo‘limi tomonidan tergovga qadar surishtiruv ishlari olib borilmoqda.