Jahon iqtisodiyoti va diplomatiya universiteti birinchi prorektori Akrom Umarov Vengriyaga safari davomida Obuda universiteti professori Chaba Arendash bilan uchrashuv o‘tkazdi, deb xabar qilmoqda "Dunyo".
Obuda universiteti Vengriyaning venchur kapitalining asosiy markazi hisoblanadi.
Uchrashuvda O‘zbekiston va Vengriya o‘rtasidagi investitsiyalarni jalb etish sohasidagi hamkorlik istiqbollari muhokama qilindi.
Tomonlar o‘zaro manfaatli ishbilarmonlik hamkorligi uchun qulay shart-sharoitlar yaratish, investitsiya va venchur kapitali sohasida ilmiy-tadqiqot ishlarini faollashtirishga tayyor ekanliklarini bildirdilar.
Muzokaralar natijasida Obuda universiteti tomonidan venchur kapitali sohasida taqdimot o‘tkazish, Vengriya tomonining O‘zbekistondagi startap loyihalarga sarmoya kiritish to‘g‘risida kelishuvlarga erishildi.
