O‘zbekiston va BMT Aksilterror boshqarmasi hamkorlik bo‘yicha "yo‘l xaritasi"ni imzoladi

O‘zbekiston 08:16 / 16.05.2024 658

"Birlashgan Millatlar Tashkiloti bosh kotibining o‘rinbosari, BMTning Aksilterror boshqarmasi boshlig‘i Vladimir Voronkov janoblari bilan uchrashishdan mamnunmiz", – deb yozdi O‘zbekiston TIV rahbari o‘zining Telegram-kanalida. 

Tinchlik va xavfsizlikni ta’minlash borasidagi hamkorlik, bugungi dinamika, nafaqat mintaqada, balki global miqyosda mavjud va kelajakdagi chaqiriqlarga samarali yechimlarni topish masalalari muhokama qilindi. 

Qaytganlarni reabilitatsiya va reintegratsiya qilish masalalari bo‘yicha Markaziy Osiyo mintaqaviy ekspertlar kengashi birinchi yig‘ilishining muvaffaqiyatli natijalari ko‘rib chiqildi. 

O‘zbekiston bilan BMTning Aksilterror boshqarmasi o‘rtasida 2024-2025 yillarga mo‘ljallangan hamkorlik bo‘yicha "Yo‘l xaritasi" ham imzolandi.

Vladimir Voronkov boshchiligidagi delegatsiya Toshkent shahrida bo‘lib o‘tgan Qurolli mojaro zonalaridan qaytganlarni reabilitatsiya va reintegratsiya qilish masalalari bo‘yicha Markaziy Osiyo mintaqaviy ekspertlar kengashining birinchi yig‘ilishida ishtirok etdi. Anjumanda, shuningdek, Markaziy Osiyo davlatlari, xalqaro tashkilotlar – BMT va YeXHTning yuqori martabali mansabdor shaxslari va yetakchi mutaxassislar qatnashdi.

Ko‘proq yangiliklar: