2024 yilning 13 may kuni soat 16:58 da Toshkent viloyati Zangiota tumani Harakat mahallasida joylashgan uylarning birida 2 yoshli bolaning hayoti qutqarib qolindi.

Favqulodda vaziyatlar vazirligi xabariga ko‘ra, ushbu uy egasining 2 yoshli farzandi ehtiyotsizlik va nazoratdan chetda qolgani sababli hovlidagi hojatxonaga tushib ketgani to‘g‘risida FVBga xabar tushgan.

Qutqaruvchilar zudlik bilan aytilgan manzilga yetib borgan va maxsus qutqaruv asbob-anjomlari yordamida taxminan 5 metrlik hojatxona chuqurligidan bolani sog‘-salomat olib chiqib, hayotini saqlab qolgan.