O‘zbekiston prezidentining yordamchisi Saida Mirziyoyeva va Prezident administratsiyasi Axborot siyosati departamenti rahbari Komil Allamjonov 14 may kuni AQSh elchisi Jonatan Henik bilan uchrashdi.
“Muloqot davomida mamlakatlarimiz o‘rtasidagi ikki tomonlama aloqalar, jumladan, inson huquqlari va so‘z erkinligi sohasidagi hamkorlik istiqbollarini batafsil muhokama qildik. Shuningdek, ingliz tilini o‘qitish dasturlarini amalga oshirish yuzasidan fikr almashdik”, – deya ma’lum qildi Saida Mirziyoyeva tarmoqdagi sahifasida.
Avvalroq Komil Allamjonov O‘zbekistondagi so‘z erkinligi bilan bog‘liq holatga munosabat bildirgan edi.
